كلمني عن نفسك ؟
بندر بن خالد
هي : يا غامض
الغامض : ؟
الغامض : غامض ؟ انا ؟
هي :ايوه انت غامض
الغامض : ايش الي اعطاكي الانطباع هذا عني ؟
هي : ما ادري تصرفاتك ، هدؤك ، ما بتعبر عن نفسك و تتكلم ، بالعربي غاااامض لا تقنعني بغير كذا
الغامض : و ليش اكون محتاج اني اقنعك !!؟
هي : ها ؟
الغامض: بسألك ليش بكون محتاج اني اقنعك !!؟
هي : يعني بس بقول لك
الغامض: ايش الي حيخليني ماني غامض ؟
هي: - يعني ممكن سعادتك تكلمني عن نفسك شويه …
الغامض: همممممم
هي: ايش همممممم شفت يعني برضو بتفكر ..
الغامض: ايوه طبيعي بفكر !!؟
هي: كمان طبيعي ، ايوه مو حضرتك بتفكر في كذبه
الغامض:كذبه !؟ و علشان ايش اكذب عليكي ؟
هي:- نعم؟
الغامض: بقول علشان ايش اكذب عليكي ؟
الغامض: هاااااا … ااااا … علشان كلكم طبعكم كذا !!!
الغامض: و مين قال ان طبع الانسان الكذب…؟
هي: ما بقول الانسان بقول انتو …
الغامض: و احنا محنا من بني الانسان ؟
هي: اه ها لا لا
الغامض:ايش الي لا لا ؟
هي: - اقصد الا كيف مو القصد >>> اقصد الرجال ، كلكم تعاملو المراه بدونيه …
الغامض: ب ذو نيه ولا بدو نيتين …
هي: - ما فهمت !!
الغامض: لا ابدا لا تشيلي في بالك ، حقك عليا انا غلطان ..
هي: - ها ايش ردك ؟
الغامض: على ايش ؟
هي: - لا لا لا قلتلك انتو تحبو تعذبو الي يهتموا لكم
الغامض: و هم فين يا حسرة !!!؟
هي: - فين مين ؟
الغامض: الي بيهتموا لنا !! :(
هي: - موجودين بس انتا مسوي منتا فاهم …
الغامض: لا بجد ؟ طب هم فين دليني عليهم انا في عرضك …
هي: - هممهم اسمع عندك شي الليله ؟
الغامض:ليش ؟ في موعد مثلا !!
هي: - ايوه موعد
الغامض: طب متي و فين ؟
هي:- ساعه كمان في المحل ال ال ال الغامض …
الغامض: اوه اوكي على الموعد … باي
هي: - باي …. يا يا غامض.
بس و نقدر نقول : السمك دخل في الشبك ..ههههههه